I «Livet etter Danvik» møter du tidligere Danvik-elever som har fortsatt i bransjen. For disse startet det hele på Danvik og siden har de jobbet seg opp og fram.

Daniel Pedersen Aanonsen

Spilldesign og Grafikk (nå Spillutvikling) 2019/2020 og stipp i TV-produksjon 2020/2021

Hva jobber du med nå?

– Eg jobbar som frilans kamerakontrollør (KK) for NRK, NEP og DMC, og til tider jobbar eg som teknisk assistent (TOM-ass.) for NEP. (Kort fortalt, KK justerer blant annet eksponering, hvitbalanse, farge, svartnivå på kameraene og sørger for at alle kameraene ser like ut. Red.anm.).

Eg blei nyleg ferdig med å jobbe med Champions League-studio for Frankrike med NEP, i samband med Bodø/Glimt – Inter-kampen. No framover skal eg jobbe med ishockey og handball for DMC, Dagsrevyen og vintersport for NRK. Etter dette skal eg jobbe med Eliteserien, OBOS-ligaen og Toppserien for NEP og DMC.

Etter Danvik, hvor gikk veien videre?

– Etter Danvik drog eg til Lillehammer på TV-skulen og tok bachelor i fleirkamerateknikk. Det var her eg fann gleda i å jobbe som KK i bransjen. I løpet av den tida hadde eg praksisplass hos NRK, som seinare starta ein dominoeffekt for korleis livet mitt i bransjen skulle bli etter at eg fekk bacheloren min sommaren 2024. I starten var det veldig utfordrande å få jobb i bransjen. Som frilanser har eg vore så sjukt heldig og fått jobba med veldig mange produksjonar og sjukt mange fine folk.

Eg har blant anna vore med på NM og VM i hopp i Trondheim, langrenn på Beitostølen og i Holmenkollen, RallyX, Eliteserien og VM i fotball, Forrædar, A-laget, The Voice, julegudstenesta i Nidarosdomen, I Kissed a Boy, Bislett Games, Landskyttarstemnet i Kongsberg og så mykje meir at det er litt vanskeleg å hugse alt!

Men det er to produksjonar som har vore mine personlege høgdepunkt. Det første var VM i Trondheim, for det var då livet mitt snudde i bransjen og gav meg moglegheita til å bli så etablert som eg er no. Den andre var Champions League: Bodø/Glimt – Manchester City, der vi i KK-gjengen fekk ekstra skryt frå produksjonen for jobben vår.

Daniel som kamerakontrollør på Champions League-sending. Foto: Privat.

Hva har Danvik betydd for din karriere?

– For å seie det rett ut: Danvik hjelpte meg å finne draumen min. Første året blei eg kjent med så mange fantastiske folk og lærte mykje gøy. Då eg blei stipp på TV-linja, var det noko som endeleg klikka for meg, og eg tenkte: “Dette var akkurat det eg leita etter.” Takket vere Danvik fann eg endeleg draumejobben som eg ikkje visste at eg ville ha ein gong!

Og det beste med alt dette var alle dei nydelege folka eg fekk møte, bli kjent med og som støtta meg på vegen til der eg er i dag. Eg fekk lære mykje om faga eg hadde, men det eg sit mest igjen med, er kor mykje eg lærte om meg sjølv som person – og kor mykje eg elskar å jobbe saman med folk som eit team, akkurat slik vi gjer i TV-bransjen!

Hva er ditt beste tips til de som vil inn i bransjen?

– Som mange seier, det å vere eit ja-menneske, vere positiv og spele på lag kan vere noko av det aller viktigaste. Ein annan viktig ting er networking. For bransjen er så liten at den blir transparent på godt og vondt. Eg har vore heldig og blitt kjent med mange flotte menneske som har stått saman med meg for at eg skulle kome dit eg er i dag. Ein annan ting eg har lært, er å aldri gi opp.

Hva er ditt beste Danvik-minne?

– Eg sit igjen med mange gode minne, men eit eg ofte tenkjer på, kjem frå slutten av det siste året. Natta før dagen vi skulle ha avslutning. Vi var ein stor gjeng som var svoltne, så vi bestemte oss for å køyre til McDonald’s i Asker, for den var døgnopen. Vi nemnde det til alle vi kunne, og fekk ein stor gjeng til å bestille. Det blei eg som køyrde, og tre gode venner av meg sat på for å hjelpe med bestillinga, som kom på nesten 2000 kroner! Vi blei stoppa av politiet rett nedanfor skulen, og dei lo godt av alt vi hadde med oss.

Eg må berre seie: Dagar som den er noko ein aldri vil gløyme.